السلام عليكم ورحمة الله وبركاته ...
مساكم / صبحكم الله ب الخير جميعا تحية طيبة ممزوجة بود واحترام
حبيت أحط لكم ذكرياتي الى بلاد العجائب وانشاء الله راح تنال اعجابكم . حيث رحلتنا لم تكن علاج أو السلام غرضها الاول تسوق أو تجارة انما راحة واستجمام بعد الدراسة والامتحانات فقرر اخواني بأن نسافر معهم , وبعد الاختلاف بين الاخوة فقرر اخوي الاكبر بأن لن نسافر الى المغرورة سنغافورة ولا الى الرائعة ماليزيا ولكن فقط الى العجيبة ( تايلند ) ع طيران الامارات وبالتحديد الى بوكيت وبتايا وبانكوك .. الصراحة هاذي أول مرة كنت أسافر فيها دولة غير عربية .
من مطار دبي الى مطار بانكوك ومدة الرحلة ست ساعات ونص تقريبا وكنا بترحيب المطر الجميل والجو أكثر من رائع وصلنا الفندق ونحن تعبانين وهلكانين بس بصراحة الجو الحلو نستنا التعب كله
مساكم / صبحكم الله ب الخير جميعا تحية طيبة ممزوجة بود واحترام
حبيت أحط لكم ذكرياتي الى بلاد العجائب وانشاء الله راح تنال اعجابكم . حيث رحلتنا لم تكن علاج أو السلام غرضها الاول تسوق أو تجارة انما راحة واستجمام بعد الدراسة والامتحانات فقرر اخواني بأن نسافر معهم , وبعد الاختلاف بين الاخوة فقرر اخوي الاكبر بأن لن نسافر الى المغرورة سنغافورة ولا الى الرائعة ماليزيا ولكن فقط الى العجيبة ( تايلند ) ع طيران الامارات وبالتحديد الى بوكيت وبتايا وبانكوك .. الصراحة هاذي أول مرة كنت أسافر فيها دولة غير عربية .
من مطار دبي الى مطار بانكوك ومدة الرحلة ست ساعات ونص تقريبا وكنا بترحيب المطر الجميل والجو أكثر من رائع وصلنا الفندق ونحن تعبانين وهلكانين بس بصراحة الجو الحلو نستنا التعب كله
وهاي غرفتنا الي حجزناها
الفندق ماعيبني وايد من ناحية الفخامه بس هالفندق معروف أنه أمان وكل العوايل يسكنون فيه وفيه مكان خاص للعوايل والعزابيه مكان خاص وماتقدرين تطلعين الغرف الا يوم تشخطين بالبطاقه عشان ينفتح الباب لقسم العوايل وفي سكيورتي 24 ساعه وفي قناه فالتلفزيون مراقبه فيها كاميرات اتراويج الفندق كامل من تحت وكل الي داخل وطالع أنا حبيت فيه الأمان لأن صراحه أنا وايد أخاف يوم أسافر بلد أجنبي ..
وبعدين رحنا نتغدى وفي العصر أخذنا تاكسي وسرنا الى حديقة الحيوان وايد حلوه استمعتنا فيها وايد انصحكم لاتطوفون عروض الحيوانات الفيله والتماسيح والقرود كان شي عجيب والله وهذي شوية صور .. وهاذي صورة بطل رحلتنا 
انتهى العرض ونحن رادين الفندق شفت هالولد يلعب في الشارع وصورته
ونحن نتمشى حصلنا بعد مطعم اسمه مكتوب بالعربي مطعم الزهرة الي فالصورة
وفي الليل سرنا نتعشى وبعدين شفنا الناس متيمعين ف مكان وشي بنت صغيرة تعرض رقصتها بس كيوت
وثاني يوم قضيناها بين السوق والتمشي وشي مراكز وايده في بانكوك بس مافيها شي يديد نفس المحلات اللي عندنا ..... خلكم معاي المشوار جدامنا طويل
وفي العصر شلينا الجناط والاغراض ورحنا المطار علشان نتجه الى بتايا وهاي الاجواء من فوق
وفي العصر شلينا الجناط والاغراض ورحنا المطار علشان نتجه الى بتايا وهاي الاجواء من فوق
يمي يمي هالاكلات المشهورة في بتايا وايضا تشتهر اكلاتهم بالصراصير والديدان وكل الحشرات شي لذيذ ههههه يععع بس حسافه نسيت اصور الصراصير
وهاي شوارع بتايا وحبيت اصور هالحرمة الي تبيع الذرة
ورحنا الالعاب ولعبنا وايد العاب ونزل مطر خفيف
ونحن نتمشى حصلنا مدرسة وقلت لازم اصورها وصورت البنات وهم يمارسون الرياضه فهالجو الحلو ماشاء الله يحافظون على صحتهم ورشاقتهم 
وبعدين دخلنا مركز وشفنا شي غريب في ريال واقف كأنه تمثال مايتحرك لمدة 3ساعات تقريبا او اكثر وطبعا الزوار يصورون وياه وشي علبة يحطون فيها بيزات حقه
وبعدين رجعنا للفندق ونحن هلكانين ورقدنا لان كنا قاعدين من الصبح وبالليل طبعاً رحنا تسوقنا شوي ونشينا من صباح الله خير متوجهين الى بوكيت جزر الاحلام مكان جميل كان روعة وأكثر من روعة الفندق راقي يرد الروح من المناظر الي فيه قعدنا فيه عشان نريح شوي لانه بعيد عن الاسواق شوي وبعدين سرنا جزيرة جيمس بوند انها جزيرة المتعة والجمال وراحة البال يعجز لساني عن وصفها صفاء مياهها وطبيعتها الخلابة تأسر القلوب طبعا جزيرة جيمس بوند تروح لها وانته تكون في جزيرة بوكيت شوفوا منظر الجبال الخضراء وسط البحر سبحان الله وهاي الصخرة الشهيرة جيمس بوند نسيت اقولكم سموها جزيرة جيمس بوند لان مشهد من سلسلة افلام جيمس بوند صوروه هناك وهذا المكان اللي صورو فيــــــه
وبعدين اتجهنا الى جزيرة بي بي بالنسبه لي كانت رحله مرعبه ومتعبه لاني دخت فيها وااااايد هذا مكان انطلاقنــا وركبنا نفس الطراد اللي بالصوره الابيض
وكانوا مسوين بوفيه كلنا وبعدين ركبنا
وبعدين ركبنا الطراد مره ثانيه علشان بنروح اخر جزيره كانت صج روعه حتى طولنا فيها بس تخيلو ساعه بالطراد على ما وصلنا لها الا انا طبعاً منتهيه واعصابي خلاص ما شاء الله الطراد خض كل الي تريقناه هههه والحمدلله وصلنا بالسلامة وبعدين رحنا نتمشى واشترينا خضار وفواكه
وبالليل جهزنا الجناط مستعدين حق الرجعه لبلادنا وتبون الصج كنت أتريا هاللحظه على احر من الجمر اشتقت لكل شي طبعاً امي وابوي واهلي كلهم وغرفتي وسريري وطباخ الوالده الله يحفظها من بعد البيتزا ومكدونالدز.... وردينا الحمدلله بالسلامه واستقبلونا الاهل بكل شوق
وبجذي تكون خلصت رحلتنـا الى تايلنـــــد على امل تكونون استمتعو معاي بالصور واستفدتو
تقبلوا ارق تحيـــــــاتي .. منيرة عبدالله
تقبلوا ارق تحيـــــــاتي .. منيرة عبدالله
المشاركات
