تجربتي في مدرسة الراية :
اولا حبيت في هذا الموضوع اني ارمسكم عن تجربتي الي خضتها في مدرسة الرايه , تقريبا اعتقد انه كل البنات اول يوم يحسون بخوف و قلق انه المدرسه ما تعيبهم او البنات ما يتقبلونهم انا اعترف واقول اني حسيت بشعور اكثر عن ها اول يوم حضرت في المدرسه كرهت حياتي وتمنيت اني ما ييت الرايه حسيت البنات غير و الابلوات غير و اللإداريات غير حسيت اني عايشه في جهنم بس اول ناس حبيتهم في المدرسه هم الابلوات وبعدين بديت شوي شوي احب اللإداريات وبعد فتره ها شوي شوي تقبلت البنات صراحه تعلمت وايد اشياء في مدرسة الراية صح انه في البدايه ما حبيت ولا شي بس احس اني لو ما دخلت الرايه ما كنت بتعلم هاي الاشياء اول شي تعلمت اني تعودت على فرقا ربعي مع انه كان شي صعب لانه وزعونا وصارت كل وحده في صف ثاني شي تعلمت اني ادور مصلحتي وهذا ايي في اول مقام وصراحه اعترف اني ما حبيت صفي في عاشر بس كان فيه مجموعه حبيتهم بس اتمنى اني ما ارجع وللابد ههههه المهم انا حطيت هذاالموضوع عشان افضفض و اخلي بنات الرايه يفضفضون وياي فلي حابه تشارك قصتها معنا تعلق وتكتب في التعليق قصتها وارجو انكم تكونون صريحين.
في النهايه اتمنى انه الموضوع عيبكم ولا تحرمونا من تعليقاتكم ......
13-2-2012.
يوم الثلثاء
سبأ . أ
المشاركات
نحن واااااايد نحبج سبا ، وأتمنى انج استانستي ويانا هالفصلين، وكسبتي ربع ما بتفارقينهم طول عمرج
ردحذف